21 траўня 2025

ДЗЕНЬ
ПАЛІТВЯЗНЯЎ

Cалідарнасць супраць рэпрэсій!

Чаму гэта важна?

"У традыцыях беларускага народу — дапамагаць людзям, якія знаходзяцца ў бядзе"
Алесь Бяляцкі, старшыня "Вясны" і лаўрэат Нобелеўскай прэміі міру

У 2020 годзе ў адказ на гвалт беларусы адказалі салідарнасцю: чэргамі на пошце, лістамі і паштоўкамі, данатамі і акцыямі салідарнасці, сумеснымі флэшмобамі і публікацыямі ў медыя. Людзі падтрымлівалі палітвязняў як маглі. Тыя, хто вымушана з’ехаў, дасылалі сотні лістоў з розных куткоў свету. І нават калі лісты не даходзілі — іх усё роўна пісалі. Бо ведалі: гэта важна. Таму рэжым пачаў паляваць на салідарнасць: на грамадскія арганізацыі і фонды, праваабаронцаў, актывістаў і журналістаў, палітзняволеных, валанцёраў і неабыякавых людзей. Усё, што звязана з салідарнасцю ў Беларусі, рэжым старанна знішчае.

У адказ на гэта мы заклікаем рабіць палітвязняў бачнымі, а іх галасы – чутнымі на ўвесь свет!

Кожны ліст, кожная згадка, кожны жэст падтрымкі — гэта крок да свабоды. Гэта доказ таго, што салідарнасць жыве. І будзе жыць, пакуль ёсць тыя, хто памятае, піша і гаворыць. Праўда — не экстрэмізм, а салідарнасць — не злачынства!

21 траўня выкажы сваю падтрымку ўсім палітзняволеным і ў чарговы раз запатрабуй іх неадкладнага вызвалення.

Мапа мерапрыемстваў

Мерапрыемствы спісам

Час мерапрыемстваў — мясцовы

11-16 траўня


Брусель, Бельгія

11 траўня, 15:00. Імпрэза “Вершы з-за кратаў”, Wetenschapsstraat 23. Падрабязнасці

Гаага, Нідэрланды

16 траўня, 12:30-16:00. Мерапрыемства "Салідарнасць з палітвязнямі ў Беларусі", Het Nutshuis, Riviervismarkt 5. Падрабязнасці

18-19 траўня


Вільня, Літва

18 траўня, 11:00-12:00. Забег "Бяжым за тых, хто не можа", старт ад Сейма. Падрабязнасці

Вільня, Літва

18 траўня, 12:00-13.00. Мітынг салідарнасці на Кафедральнай плошчы. Падрабязнасці

Варшава, Польшча

18 траўня, 14:00. Акцыя "Шлях да волі праз кайданы", помнік Мікалая Каперніка. Падрабязнасці

Шчэцін, Польшча

18 траўня, 16:00. Флэшмоб у падтрымку палітвязьняў у Беларусі, Aleja Kwiatowa. Падрабязнасці

Кіль, Германія

19 траўня, 19:00. Прагляд фільма "Беларусь 23.34" і абмеркаванне, Hornheimer Weg 2. Падрабязнасці

20 траўня


Гданьск, Польшча

18:30. Cустрэча з журналістам Алегам Груздзіловічам. БКТ "Хатка", Miszewskiego 17/307. Падрабязнасці

Уроцлаў, Польшча

19:00-20:30. Дабрачынны музычны канцэрт. Pub Salonik, ul. Braniborska 2/10. Падрабязнасці

Вільня, Літва

20:05. Кінапрагляд дакументацыйнага фільма "Цень радасці". KROPKA, Savičiaus g. 6. Падрабязнасці

21 траўня


Тэрнопаль, Украіна

11:40. Круглы стол да Дня палітвязняў. Галіцкі каледж ім. Чарнавола, вул. Багдана Хмяльницкага, 15.

Варшава, Польшча

14:00. Прэс-канферэнцыя ў памяць загінулых і ў імя жывых. Беларускі Дом у Варшаве, ul. Kryniczna 6. Падрабязнасці

Тбілісі, Грузія

15:00. Акцыя з нагоды Дня палітвязняў, каля амбасады Беларусі, 18 Крцанісі.

Варшава, Польшча

17:00. “Напішы ліст палітвязню” з Андрэем Гнётам і Марынай Касінеравай, Dożynkowa 6a. Падрабязнасці

Стакгольм, Швецыя

17:00-19:00. Дзень салідарнасці з палітвязнямі, мост паміж Riksdagen і Mynttorget Падрабязнасці

Клайпеда, Літва

17:00-20:00. Акцыя "Чарга", Šiaurinis Ragas. Падрабязнасці

Варшава, Польшча

18:00. Адкрыццё выставы "Нічога асабліва новага". Музей вольнай Беларусі, ul. Foksal 11. Падрабязнасці

Варшава, Польшча

18:00. Cустрэча беларускіх і польскіх арганізацый з нагоды Дня палітвязня. Imaguru, ul. Twarda 14/16. Падрабязнасці

Беласток, Польшча

18:00. Акцыя з нагоды Дня Палітвязняў. Skwer Wolnej Białorusi, Elektryczna 7. Падрабязнасці

Люблін, Польшча

18:00. Акцыя з нагоды Дня Палітвязняў, Plac Litewski.

Рым, Італія

18:00. Эўхарыстычная імша ў Сhiesa della Risurrezione di Nostro Signore Gesu Cristo. Падрабязнасці

Уроцлаў, Польшча

18:00-19:00. Ланцуг Салідарнасці са здымкамі палітвязняў, plac Solny. Падрабязнасці

Варшава, Польшча

18:00. Дзень палітвязняў у "Карме", Al. 3 Maja 15. Падрабязнасці

Вільня, Літва

19:00. "Вахта святла" каля амбасады Беларусі, Mindaugo g. 13. Падрабязнасці

Талін, Эстонія

19:00. Сустрэча на Дзень палітвязняў і прэзентацыя "Гайда палітзняволення", Pärnu mnt 6. Падрабязнасці

Вільня, Літва

20:00. Спектакль "Мая мама ў турме", Vilniaus g. 16. Падрабязнасці

22 траўня і пазней


Кракаў, Польшча

22 траўня, 17:30-20:00. "Творчасць за кратамі", адкрыццё выставы і размова. "Прастора", ul. Mikołajska 4/6. Падрабязнасці

Вільня, Літва

22 траўня, 19:00. Прэм'ера спектакля "Ордэн Белай Мышы". Тэатральная заля "Mroj-hall teatras", Gedimino pr. 28. Падрабязнасці

Уроцлаў, Польшча

22 траўня, 17:00. Падпісанне лістоў салідарнасці беларускім палітзняволеным, Tadeusza Kościuszki 35A. Падрабязнасці

Варшава, Польшча

22 траўня, 18:30. Малітва за палітвязняў. Евангельская царква «Puławska», Puławska, 114. Падрабязнасці

Познань, Польшча

23 траўня, 19:00. Дзень палітвязня: лісты, кінаноч, піца і напоі. Rozbrat, Pułaskiego 21A. Падрабязнасці

Варшава, Польшча

23 траўня, 19:00. Вечар памяці героя Беларусі Вітольда Ашурка. Беларускі Дом у Варшаве, ul. Kryniczna 6. Падрабязнасці

Уроцлаў, Польшча

24 траўня, 17:00-18:30. Дыскусія-сустрэча з палітвязнямі. Instytut Historyczny UWr, ul. Szewska, 49. Падрабязнасці

Утрэхт, Нідэрланды

24 траўня, 20:00. Вечар "Пяць гадоў барацьбы і рэпрэсій у Беларусі". Savannah Bay, Telingstraat 13. Падрабязнасці

Лондан, Вялікабрытанія

26 траўня, 12:00-13:30. Акцыя салідарнасці з беларускімі палітвязнямі ў Лондане, 10 Downing Street. Падрабязнасці

Як паўдзельнічаць?

01Арганізуй у сваім горадзе акцыю салідарнасці ці паўдзельнічай у такой.

02Дадай да свайго адзення сімвал Дня — "жоўтую бірку экстрэміста" ў знак салідарнасці з палітвязнямі ці надзень на акцыю што-небудзь жоўтага колеру.

03Распавядзі пра палітвязняў у сацсетках, каб зрабіць іх больш бачнымі, выкарыстоўвай хэштэг #PrisonersDayBelarus.

04Напішы ліст палітзняволеным, у тым ліку анлайн.

05Ахвяруй правераным фондам і ініцыятывам, у тым ліку "Вясне".

06Прыдумай свой акт салідарнасці і далучайся да Дня палітвязняў!

Увага!
Памятайце пра правілы бяспекі. Далучайцеся да салідарных дзеянняў, толькі калі гэта бяспечна для вас.

Іх не стала ў зняволенні

Вітольд Ашурак
дзень смерці:
21 траўня 2021

Мікалай Клімовіч
дзень смерці:
5 траўня 2023

Алесь Пушкін
дзень смерці:
11 ліпеня 2023

Вадзім Храсько
дзень смерці:
9 студзеня 2024

Ігар Леднік
дзень смерці:
20 лютага 2024

Аляксандр Кулініч
дзень смерці:
9 красавіка 2024

Дзмітрый Шлетгаўэр
дзень смерці:
11 кастрычніка 2024

Валянцін Штэрмер
дзень смерці:
пачатак 2025

Гісторыя ўзнікнення Дня

Праваабаронцы абралі дату Дня салідарнасці з палітзняволенымі ў Беларусі невыпадкова — 21 траўня 2021 года ў шклоўскай калоніі № 17 памёр актывіст з Бярозаўкі Вітольд Ашурак. Ён быў асуджаны ў закрытым рэжыме да пяці гадоў зняволення. Афіцыйная прычына смерці — спыненне сэрца, хоць, паводле сваякоў, да зняволення на здароўе мужчына не скардзіўся. На відэа з калоніі, якое Следчы камітэт апублікаваў пасля смерці палітвязня, ён выглядаў знясіленым і ледзь трымаўся на нагах. Калі родным паказалі цела Вітольда, то галава была практычна цалкам забінтаваная. Следчы камітэт заявіў, што смерць палітвязня не мела крымінальнага характару, і да гэтага часу не ўзбудзіў крымінальную справу.

Вітольд Ашурак мусіў выйсці на свабоду сёлета —
9 чэрвеня 2025 года, аднак гэтага не адбудзецца.